പ്രഭാത ചിന്തകൾ 13 May 2021

ശക്തിമത്താക്കണം ദൃഢനിശ്ചയം...

ദൃഢനിശ്ചയം, നമ്മുടെ മുന്നേറുവാനുള്ള ശക്തിയെ നിരന്തരം ജ്വലിപ്പിച്ച് നിർത്തുവാനുള്ള മനോബലം സാധ്യമാക്കുന്നതിൽ പ്രധാന പങ്കുവഹിക്കുന്ന ഒന്നാണ്...

ദൃഢനിശ്ചയം, സ്വയം സമർപ്പിതമായ വിശ്വാസത്താൽ തുടർ പരാജയങ്ങളിലും പിന്മാറാതെ സാധ്യമാകുമെന്ന് നിരന്തരം മനസ്സിനെ ബോധ്യപ്പെടുത്തുന്ന ഒന്നാണ്...

ദൃഢനിശ്ചയം, നിങ്ങളുടെ ജീവിതത്തെ അടിമുടി മാറ്റിമറിക്കും, ഉള്ളിൽ നിന്ന് സൃഷ്ടിക്കപ്പെട്ട പ്രചോദനത്താൽ ജീവിതശൈലിയിലും, മനോഭാവങ്ങളിലും കാര്യമാത്രമായ വ്യത്യാസം രൂപപ്പെടുത്തും...

ദൃഢനിശ്ചയം, നിങ്ങളുടെ ലക്ഷ്യം സാധ്യമാകുമെന്ന ശക്തിമത്തായ വിശ്വാസത്തിൽ നിന്ന് രൂപപ്പെടുന്നതാണ്. അതിനായ് ആദ്യം തിരിച്ചറിയേണ്ട സത്യം, നിങ്ങൾക്ക് കീഴടക്കാവുന്ന പ്രതിസന്ധികളെ നിങ്ങൾക്ക് മുന്നിൽ സൃഷ്ടിക്കപ്പെടുന്നു എന്നുള്ളതാണ്...